BRAVOLesson


 Gæðakerfið sem er sérhannað 
fyrir íslenska skóla

Vertu með gæðamálin á hreinu
Tilbúin ferli og skýrar leiðbeiningar gera innra matið, umbótaáætlanir og 
faglegt samstarf - einfalt og aðgengilegt.

Öflugt mælaborð sýnir stöðu innra mats og framvindu - Tilbúin ferli og utanumhald sparar dýrmætan tíma skólastjórnenda

Mælaborðið í BRAVOLesson gefur skólastjórnendum heildstæða yfirsýn yfir innra mat, umbótastarf og framvindu.

Hér má á einfaldan hátt fylgjast með stöðu gæðastarfsins, sjá niðurstöður innra matsins og innlita, framvindu umbótaáætlana og áætlanir um næstu skref hvort sem um er að ræða leik-, grunn- eða framhaldsskóla.

Faglegt innra mat – skref fyrir skref með BRAVOLesson

Öflugt gæðastarf byggir á því að skólinn rýni reglulega í eigið starf og vinni markvisst að umbótum til að bæta nám og kennslu. 

1. Einfalt að byrja
Við hjálpum ykkur að komast strax af stað. Við skipuleggjum ferlið með ykkur og stillum kerfið í takt við þarfir skólans. 

2. Innra mat - Allt á einum stað
Mat á gæðaviðmiðum, innlit í kennslustundir og niðurstöður kannana safnast saman í einu kerfi. Þannig verður auðvelt að fá yfirsýn og styðja við markvissa skólaþróun.

3. Greining á niðurstöðum
BRAVOLesson greinir niðurstöður sjálfkrafa – sem nýtist beint í samræður um faglegt starf og við gerð innra mats skýrslu. 
4. Markvisst umbótastarf
Tækifæri til umbóta eru útfærð sem verkefni í umbóta-áætlun. Með skýrum verkefnum er auðveldara að hrinda umbótum í framkvæmd og fylgjast með framvindu.
 
5. Sýnilegur árangur
Mælaborðið í BRAVOLesson styður við markvissa þróun skólastarfs – með áherslu á bætta kennslu, faglegt samtal og aukinn námsárangur nemenda.

Rúmlega 130 leik-, grunn- og framhaldsskólar á Íslandi nýta sér BRAVOLesson í sínu gæðastarfi

Dæmi um skóla sem vinna með BRAVOLesson

BRAVOLesson lagar sig að þörfum hvers skólastigs

Ath! Ný gæðaviðmið fyrir framhaldsskóla eru nú aðgengileg í BRAVOLesson

BRAVOLesson fyrir grunnskóla

1.  Innra mat

BRAVOLesson styður við innra mat með sérstakri sjálfsmatseiningu. Þar er unnið með gæðaviðmið grunnskóla, stefnu sveitarfélagsins og niðurstöður mælinga eins og Skólapúlsins – allt á einum stað. Ferlið er einfalt, skýrt og aðgengilegt fyrir skólastjórnendur og innra mats teymi.


2. Innlit í kennslustundir

Kerfið styður skólana við að framkvæma markviss innlit í kennslustundir með matsramma byggðum á gæðaviðmiðum. Tölfræði og greining veita skýra yfirsýn yfir styrkleika í kennsluháttum og svið sem krefjast frekari þróunar.


3. Innra mats skýrsla

Aðgengilegt tilbúið form einfaldar vinnu við innra mats skýrslu. Langtímaáætlun, áætlun fyrir skólaárið, greinargerð um innra mat og umbótaáætlun koma saman í einu skjali sem skólar geta síðan birt á sinni heimasíðu.   


4. Umbótaáætlun

Út frá niðurstöðum innra mats geta grunnskólar sett fram markvissar aðgerðir, úthlutað ábyrgð og fylgst með framkvæmd umbóta með skýrri yfirsýn og reglulegri eftirfylgni.


5. Stefnur og verkferlar

BRAVOLesson gerir grunnskólum kleift að halda utan um stefnur, skólanámskrár, verklagsreglur og verkferla sem styðja við innra mat og umbótastarf – þannig næst samfella, festa og skýr ábyrgð í faglegu starfi skólans.

BRAVOLesson fyrir leikskóla

1. Innra mat leikskóla

Í leikskólum styður BRAVOLesson við innra mat með sérstakri sjálfsmatseiningu þar sem unnið er með gæðaviðmið leikskóla, stefnu sveitarfélagsins og niðurstöður mælinga eins og foreldrakannana – allt á einum stað. Ferlið er einfalt, skýrt og auðvelt að aðlaga að þörfum hvers leikskóla.


2. Innlit á deildir

Kerfið gerir stjórnendum kleift að framkvæma markviss innlit á deildir. Unnið er með matsramma byggðan á gæðaviðmiðum fyrir leikskólastarf. Tölfræði veitir yfirsýn yfir styrkleika, vellíðan og tækifæri til umbóta í daglegu starfi.


3. Innra mats skýrsla

Aðgengilegt tilbúið form sem einfaldar vinnslu Innra mats skýrslu. Leikskólar geta skráð langtímaáætlun, áætlun fyrir skólaárið, niðurstöður innra matsins greiningu á styrkleikum og umbótaþætti á einum stað. Útkoman er skýrsla sem hægt er að birta á heimasíðu.


4. Umbótaáætlun

Út frá niðurstöðum innra mats geta leikskólar sett fram markvissar aðgerðir, úthlutað ábyrgð og fylgst með framkvæmd umbóta með skýrri yfirsýn.


5. Stefnur og verkferlar

Leikskólar geta auðveldlega haldið utan um stefnur, markmið og verkferla sem tengjast gæðastarfi og innra mati – þannig næst samræmi og festa í vinnubrögðum yfir skólaárið.

BRAVOLesson fyrir framhaldsskóla

1.  Eining fyrir innra mat

Í framhaldsskólum styður BRAVOLesson við innra matið með sérstakri sjálfsmatseiningu. Þar er unnið með ný gæðaviðmið fyrir framhaldsskóla, stefnu skólans og niðurstöður mælinga á borð við nemendakannanir eða starfsmanna kannanir – allt á einum stað. Ferlið er einfalt, skýrt og aðlagað þörfum einstakra skóla.


2. Innlit í kennslustundir

Kerfið styður við markviss innlit í kennslustundir og áfanga með matsrömmum byggðum á nýjum gæðaviðmiðum eða viðmiðum sem skólar setja sér. Með skýrri tölfræði fá skólastjórnendur yfirsýn yfir styrkleika í kennslu og svið sem gefa tækifæri til þróunar.


3. Innra mats skýrsla

Í BRAVOLesson er aðgengilegt tilbúið form sem einfaldar vinnslu innra mats skýrslu. Framhaldsskólar geta skráð langtímaáætlun, áætlun fyrir skólaárið, greinargerð um innra mat og umbórtaátælun og birt sem skýrslu á heimasíðu. Allt í samræmi við ný gæðaviðmið framhaldsskóla. 


4. Umbótaáætlun

Út frá niðurstöðum innra matsins geta framhaldsskólar skipulagt markvissar aðgerðir, tengt þær við ábyrgðaraðila og tímaáætlun, og fylgst með framvindu umbóta með skýrri yfirsýn í kerfinu.


5. Stefnur og verkferlar

BRAVOLesson gerir framhaldsskólum kleift að halda utan um stefnur, gæðaáætlanir og verkferla sem tengjast innra mati og umbótastarfi – þannig skapast samfella í faglegri forystu og þróun skólans.

  • Innlit í kennslustundir - Tölfræði

    Safnar saman styrkleikum og tækifærum til umbóta

    Button

  • Innra mat - Gæðaviðmið

    Gæðaviðmið skóla eru aðgengileg í BRAVOLesson

    Button

  • Slide title

    Gæðaviðmið - Hitakort. Hér safnat saman mat á gæðaviðmiðum og mat á menntastefnu sveitarfélagsins.

    Button

  • Slide title

    Umbótaáætlun - Uppsett og tilbúin til birtingar.

    Button

  • Slide title

    Greinargerð um innra mat

    Button

  • Slide title

    Hægt að merkja við framvindu þegar unnið er í greinargerð fyrir innra matið

    Button

  • Greinargerð um innra mat

    Langtímaáætlun fyrir innra mat

    Button

  • Slide title

    Skólapúlsinn - yfirlit yfir stöðu

    Button

Dæmisögur og fréttir

Innlit í kennslustundir - Dæmisaga frá Rimaskóla

Eftir Vilborg Einarsdóttir • 30. október 2025
Í Rimaskóla í Reykjavík er innra mat hluti af daglegu fagstarfi þar sem kennarar og stjórnendur vinna saman að því að efla gæði kennslu og náms. Skólinn nýtir BRAVOLesson til að skipuleggja innlit í kennslustundir, skrá niðurstöður og fylgja umbótum eftir á markvissan hátt. Allt starfsfólk tekur þátt í ferlinu sem fagþróunarteymi leiðir – með sameiginlegri sýn á stöðugar umbætur og faglegt nám allra. „BravoLesson hjálpar mér sem stjórnanda að skipuleggja betur hvernig við verkefnastýrum faglegum verkefnum. Verkefni í umbótaáætlun eru opnað reglulega á fundum þar sem við förum yfir og fylgjum eftir verkefnum.“ — Þóranna Rósa Ólafsdóttir, skólastjóri Rimaskóla.

Nýir notendur að BRAVOLesson

Eftir Vilborg Einarsdóttir • 29. ágúst 2025
Við fögnum því að grunnskólar á Seltjarnarnesi og grunnskólar í Uppsveitum Árnessýslu og Flóaskóli hafi ákveðið að taka BRAVOLesson í notkun. Skólarnir munu nýta kerfið til að efla faglegt starf, styðja við innra mat og þróa kennslu með markvissum hætti. Við bjóðum þessa skóla innilega velkomna í ört stækkandi hóp BRAVOLesson notenda en nú eru 110 leik-, grunn- og framhaldsskólar á Íslandi að nýta kerfið í sínu innra mati.

Nýir notendur BRAVOLesson

Eftir Vilborg Einarsdóttir • 29. ágúst 2025
Það er ánægjulegt að tilkynna að Mosfellsbær og Hornafjörður hafa bæst í hóp þeirra sveitarfélaga sem nýta BRAVOLesson til að styðja við faglegt skólastarf. Með því að taka kerfið í notkun geta skólar í þessum sveitarfélögum auðveldlega haldið utan um innra mat, umbótaáætlanir og faglega þróun kennara með markvissum hætti. Við bjóðum þau hjartanlega velkomin í hóp BRAVOLesson notanda.

Heiðarskóli - Leik- og grunnskóli Hvalfjarðarsveitar

Eftir Vilborg Einarsdóttir • 31. maí 2025
Í Heiðarskóla hefur BRAVOLesson verið tekið í notkun á afar markvissan hátt, bæði á leikskóla- og grunnskólastigi, þar sem áhersla er lögð á samfellda og faglega þróun í takt við gæðaviðmið og stefnu skólans. Leik- og grunnskóli Hvalfjarðarsveitar sýnir með skýrum hætti hvernig hægt er að: Nýta BRAVOLesson til að vinna faglegt og gagnadrifið innra mat á báðum skólastigum Þróa aðskildar en samræmdar umbótaáætlanir Beita leiðsagnarmati með reglubundnum innlitum Skapa heildstæða greinargerð sem nýtist í áframhaldandi þróun Endilega smellið á hnappinn hér að neðan til að lesa dæmisöguna um Heiðarskóla í Hvalfjarðasveit.

Dæmisaga af fjórum leikskólum í Garðabæ

Eftir Vilborg Einarsdóttir • 31. maí 2025
Leikskólar Garðabæjar innleiddu BRAVOLesson í alla sína leikskóla í janúar 2025 til að efla enn frekar sitt faglega starf. Í kjölfarið fór fram samræmt mat í öllum leikskólum. Í framhaldinu gat hver og einn leikskóli valið sína þætti til að meta. Hér eru dæmi frá fjórum leikskólum í Garðabæ sem hafa á síðustu mánuðum nýtt BRAVOLesson markvisst í sínu innra mati. Hver leikskóli valdi sína nálgun, en öll ferlin byggja á faglegri samvinnu, skýrri skráningu og skýrri yfirsýn sem nýtist beint í umbótastarfi.

Ingunnarskóli í fararbroddi faglegs innra mats

Eftir Vilborg Einarsdóttir • 26. maí 2025
Ingunnarskóli hefur markað sér skýra og faglega stefnu í innra mati og gæðastarfi. Í samstarfi við grunnskólana í Reykjavík austur og með notkun BRAVOLesson hefur skólinn þróað öfluga aðferð þar sem gögn, greining og umbætur eru samofin faglegu starfi kennara og stjórnenda. Nálgun skólans endurspeglar þann metnað sem felst í markmiðum laga um grunnskóla, þar sem gæði skólastarfs, umbætur og velferð eru í forgrunni. Sjá nánar dæmisögu hér að neðan um faglegt starf í Ingunnarskóla og hvernig skólinn nýtir sér BRAVOLesson í sínu gæðastarfi.

Faglegt innlit í kennslustundir í Borgaskóla – með BRAVOLesson sem verkfæri

Eftir Vilborg Einarsdóttir • 11. maí 2025
Í Borgaskóla í Reykjavík er markvisst unnið að því að efla gæði kennslu með því að byggja upp faglegt samtal og samræmt mat á kennsluháttum. Síðan 2022 hefur skólinn nýtt BRAVOLesson til að halda utan um innlit í kennslustundir og veita kennurum faglega endurgjöf í takt við áherslur leiðsagnarnáms og gæðaviðmið grunnskóla. Stjórnendur stofna innlit í kerfinu og skrá mat sitt beint í BRAVOLesson. Það sem áður var tímafrekt ferli með handvirkri skráningu og úrvinnslu, fer nú fram á einum stað með sjálfvirkri samantekt og mælaborði sem sýnir þróun yfir tíma. Kennarar fá sendan matsrammann fyrirfram og eru virkir þátttakendur í matinu – bæði með sjálfsmati og í samtali við stjórnendur að loknu innliti. Innleiðingin í Borgaskóla hefur skapað jákvæðan farveg fyrir faglegt samtal, sýnilega þróun og skýran ramma um gæði kennslu. Í kjölfarið hefur skólinn jafnframt innleitt jafningjamat kennara. „ Aðal ávinningurinn er að geta séð styrkleika og tækifæri til umbóta í kennslu – bæði yfir skólann sem heild og innan einstakra deilda, “ segir Árný Inga Pálsdóttir f.v. skólastjóri. „ Mælaborðið hjálpar okkur stjórnendum við að hrósa fyrir það sem vel er gert og vinna markvisst með það sem við getum bætt. “

Grunn- og leikskólar Garðabæjar innleiða BRAVOLesson

Eftir Vilborg Einarsdóttir • 11. maí 2025
Leikskólar Garðabæjar hafa hafið innleiðingu á BRAVOLesson – gæðakerfinu sem styður við innra mat, markvissa þróun og umbótastarf. Markmiðið er að styrkja faglegt starf, tryggja skýra yfirsýn yfir gæði og styðja við umbætur á skipulagðan og gagnadrifinn hátt. Í gegnum BRAVOLesson geta leikskólastjórar skipulagt og skráð sjálfsmat, innlit á deildir og greiningu á styrkleikum og tækifærum til umbóta. Nýtt mælaborð kerfisins veitir stjórnendum skýra yfirsýn yfir stöðu og framvindu – sem eykur festu í faglegu starfi og auðveldar eftirfylgni. Kerfið er aðlagað að leikskólaumhverfi Garðabæjar og verður mikilvægt tæki til að styðja við gæði leikskólastarfs í samræmi við viðmið og stefnu sveitarfélagsins. Það verður spennandi að fylgjast með leikskólunum í Garðabæ og þeirra faglega starfi.

Grunnskólar í Reykjavík austur - Innra mat og BRAVOLesson

Eftir Vilborg Einarsdóttir • 24. mars 2022
Á skólaárunum 2022–2025 sameinuðu grunnskólar í Reykjavík austur krafta sína til að efla innra mat og faglegt skólastarf. Verkefnið spannar 15 skóla í Grafarvogi, Grafarholti, Árbæ og á Kjalarnesi og hafði það að markmiði að gera innra mat að lifandi og reglulegum hluta skólastarfsins. Í verkefninu var unnið markvisst með uppfærð gæðaviðmið Menntamálastofnunar. Áhersla var lögð á að þróa faglegt samtal innan skólanna, virkja kennara til þátttöku í mati á eigin starfi og skapa sameiginlega sýn á árangur og umbætur. Þjálfun, handleiðsla og stuðningur voru veitt á öllum stigum með það að markmiði að styrkja sjálfstæði skólanna í innra mati og umbótavinnu. BRAVOLesson var innleitt sem lykilverkfæri í verkefninu og gerði skólunum kleift að halda utan um sjálfsmat, innlit í kennslustundir og umbótaáætlanir á einum stað, auk þess að auðvelda gerð greinargerða fyrir innra matið. Með skýru skipulagi, sameiginlegri vinnu og markvissri notkun BRAVOLesson hefur innra mat orðið að sýnilegu og áhrifaríku verkfæri fyrir faglega þróun innan hvers skóla. Þannig hefur verkefnið skapað sterkan grunn að áframhaldandi umbótastarfi og styrkt lærdómssamfélög skólanna með markvissum hætti. Hér að neðan má nálgast dæmisögu (e. case study) um verkefnið með skólunum í Reykjavík austur.

Áskriftargjald

Það er einfalt að taka BRAVOLesson í notkun. Verð fer eftir stærð skóla og áskriftargjald er greitt á þriggja mánaða fresti. 

Hafðu samband og við komum ykkur af stað. 

HAFA SAMBAND

BRAVOLesson

Undir 100 nemendur


kr. 18.500 á mánuði

(án vsk)

  • Aðgangur fyrir allt að þrjá notendur.


PANTA

BRAVOLesson

100-199 nemendur


kr. 23.500 á mánuði

(án vsk)

  • Aðgangur fyrir allt að fimm notendur.


PANTA

BRAVOLesson

200-499 nemendur


Kr. 28.900 á mánuði

(án vsk)

  • Aðgangur fyrir allt að sjö notendur.


PANTA

BRAVOLesson

500-799 nemendur

(ath! +800 = tilboð)


Kr. 32.500 á mánuði

(án vsk)

  • Aðgangur fyrir allt að tíu notendur.


PANTA

Innleiðing - Ráðgjöf



Miðað er við tvær vinnustofur í byrjun með skólastjórnendum og þeim sem koma að innra matinu. Síðan er eftirfylgni í gegnum vefinn til að koma notendum vel af stað í notkun kerfisins. 
Hægt er að sníða innleiðingu og ráðgjöf að þörfum hvers skóla.